全智賢李敏鎬經典CP再合作 舊拍檔金秀賢陷醜聞舊訪問翻Hit

全智賢同李敏鎬相隔九年後再度攜手擔任品牌大使，仲為產品拍攝全新硬照。全智賢2016年再次拍劇，同 李敏鎬 合作《藍海傳說》扮演人魚，亦成為韓劇經典，而呢對俊男美女黃金組合，相隔9年後再次攜手合作，齊齊擔任醫美品牌嘅亞太區品牌大使。

李敏鎬同全智賢2016年合作《藍海傳說》成為經典CP
美貌凍齡嘅全智賢已係兩子之母，不過佢不論事業、家庭同個人狀態都堪稱完美。而合作《藍海傳說》後事業更上一層樓嘅李敏鎬，唔止成為韓國國家品牌大賞獲獎人，出道至今，更一直係男神指標。
全智賢多年來美貌凍齡不變

高大有型嘅李敏鎬亦一直被譽為男神

過往同韓國女神 全智賢 合作嘅男星每每都前程似錦，好似佢2013年同 金秀賢 合作《來自星星的你》，劇集爆紅整個亞洲，更有調查指當時成為韓國人至愛電視節目。不過當時已貴為天后級嘅全智賢，就傳出同金秀賢不和，受訪時更直指可能係兩人最後一次合作，近日亦因為 金賽綸 事件令此事再次瘋傳，更被網友大讚「人間清醒」。 

金秀賢近日身陷醜聞，而當年《星星》嘅一次訪問就被翻炒