新聞女王2丨譚俊彥與何廣沛爭Man姐白熱化 高海寧開拓政治版圖亦正亦邪

千呼萬喚嘅劇集《新聞女王2》載譽歸來，總監製鍾澍佳率領高海寧（Ling）、譚俊彥（Shaun）、何廣沛（Matthew）同陳曉華（Hera）亮相「香港國際影視展」推介會，率先同大家分享續集賣點，佢話續集除咗介紹職業女性點樣更強大去面對事業上嘅選擇，仲帶出傳統媒體同自媒體喺新聞上嘅對抗。

總監製鍾澍佳率先同大家分享續集賣點。
佳導指幾乎係原班人馬出演，兼且加入一啲新面孔，當中包括黃宗澤。推介會未見Man姐佘詩曼現身，阿Shaun同Matthew就爆佢哋喺續集為Man姐爭風呷醋，阿Shaun仲預告佢哋嘅三角關係會更白熱化。問到Matthew會否操肌再跟Man姐拍床上戲？阿Shaun即質問有呢幕戲咩，佳導即提議兩人一齊操肌對打。

阿Shaun同Matthew就爆佢哋喺續集為Man姐爭風呷醋。

佳導指幾乎係原班人馬出演，兼且加入一啲新面孔，當中包括黃宗澤。
上一輯高Ling飾演充滿野心嘅許詩晴，高Ling指角色今輯會再升呢，因為許詩晴嘅野心已去到政治界，為自己仕途拼命，喺一啲大新聞發生時，佢會作出選擇操控。高Ling喺劇中當然會同Man姐有對手戲，而佢嘅角色係亦正亦邪，同大家亦敵亦友。

高Ling指角色今輯會再升呢，因為許詩晴嘅野心已去到政治界。
此外，Hera喺劇中亦有大突破，今次挑戰演奸角，佢話好期待呢個角色，因為從來未試過演奸角，由上一輯故事中被趕走，今次會證明畀人睇佢唔係一個隨便搵人嫁嘅女人。