龔慈恩任代言人好學上堂 《新聞女王2》再出現回應囡囡墜樓流料

一向優雅嘅 龔慈恩 呢日參與一個頒獎禮記者會，以代言人身份參與嘅佢，仲話唔止有酬勞，更加學到唔少同皮膚管理有關嘅知識，仲去上堂認真了解，龔姐真係認真到不得了，仲話工作上學到嘅知識希望會令自己嘅生活更方便同豐盛咁話。
龔慈恩呢日參與一個頒獎禮記者會。
即將投入《新聞女王2》演出嘅佢，又指當中嘅「方太」同《金式森林》中嘅角色都有非常唔同嘅地方，而早前推出嘅電影《紅豆》佢就以師奶形象出現，龔姐就指身為演員就係要適應同演唔唔同角色喇。
龔慈恩與囡囡林愷鈴。
母女同時身處娛樂圈之中，有新聞就見怪不怪，不過早前傳出佢乖女 林愷鈴 墜樓離世嘅假消息，龔姐就覺得非常莫名奇妙，仲話當時同囡囡都身處屋企，母女都覺得非常奇怪。