42歲林依晨宣布懷孕5個月 減少工作專心陀二胎

恭喜恭喜！台灣女星林依晨今日（19號）傳出懷上二胎嘅消息，其經理人公司回覆台灣媒體查詢時，亦大方承認喜訊，並指懷二胎一直喺林依晨與老公嘅計劃之中。
林依晨懷第二胎。
現年42歲嘅林依晨與圈外老公林于超結婚10年，二人育有一個3歲嘅囡囡，不過由於林依晨對私生活相當低調，甚少喺社交平台晒恩愛，加上兩日因為工作關係，經常分隔台灣、美國兩地，故不時傳出二人婚變嘅傳聞。
上月林依晨為其監製嘅電影宣傳時，雖然已用服飾遮肚，但當手不經意放於下腹時，仍會突出孕肚。
據台灣報道指，林依晨現時懷孕5個月，上月佢為自己監製嘅電影宣傳時，刻意以服飾遮住個肚，令外界睇唔出佢懷孕。雖然已經係第二胎，但為安全起見，林依晨目前正減少工作，專心待產。