蕭正楠分享臨盆愛妻日常點滴 黃翠如每晚對肚皮自言自語

蕭正楠 同 黃翠如 自去年公布懷孕喜訊後，不時都會喺社交平台分享幸福日常，從舊年冬至拍住拖享受一碗開心車仔麵同混醬腸粉嘅開心相，到之後砌拼BB嘅用品等，每個畫面都幸福滿瀉，而翠如臨盆在即，日前亦把握機會同好姊妹連詩雅同陳自瑤聚會。

翠如同阿蕭不時分享懷孕紀錄

照推算翠如即將就分娩
準爸爸阿蕭喺16號中午，就再貼出同太太騷孕肚嘅合照，佢話：「蕭太太最近每天都說很不捨小肚子。看見她隨時隨地瘋狂吃東西，說是為了填飽小肚子。又看見她不停拿着手機拍攝愛動的肚皮，和每天晚上自言自語，猜她是想教導出乖巧的小肚子。」眼見太太翠如同腹中嘅BB相處畫面，準爸爸阿蕭仲感性寫道希望即將同世界見面嘅小朋友，喺媽媽肚中嘅時光充滿快樂咁話。

孕期一直都持續分享生活片段

阿蕭亦為BB來臨而做足準備

翠如日前先同好姊妹Shiga同Yoyo見面