洪永城 梁諾妍帶大女解鎖新體驗 開聊天群幫蕭正楠夫婦解疑難

洪永城（Tony）同太太梁諾妍（Inez）早前帶大女Amber一齊拍廣告，雖然Amber先得3歲幾，不過面對鏡頭一啲都唔怯場，仲大方同爸爸、媽媽互動錫錫。Tony同Inez大讚Amber叻女，表現好到可以拎100分。兩位好希望Amber可以一直維持呢份開朗活潑，鍾意交朋友嘅性格。
 洪永城同太太梁諾妍，帶埋大女Amber一齊拍廣告。
胡定欣脫單一事令唔少圈中朋友送上祝福，有指係「媒人公」嘅Tony就澄清只係負責介紹對方俾定欣認識，阿Bob林盛斌先係負責撮合好姻緣嘅「功臣」。Tony又大讚定欣男友陳醫生性格好、有愛心，而且陳醫生同定欣性格相似，一樣率直，又有共同興趣，所以先會成功撻著。
 洪永城同太太梁諾妍
至於Tony另一位好友黃翠如臨盆在即，翠如同老公蕭正楠一直保密BB性別，令大家好好奇。但係Tony同Inez表示自己同大家一樣，要等BB出世先知性別，所以佢哋準備嘅禮物都較為中性色調。而佢哋同一對準爸媽都開咗Group chat交流陀B、湊B經驗，希望幫到翠如同阿蕭。