暖男丈夫林峯遊日為妻女親整愛心早餐 不惜工本送囡囡讀貴族學校

林峯近年事業運節節高升，早前宣布喺今年5月喺紅館開騷，嚟緊仲要忙住拍新戲，暖男丈夫阿峯未開工前，爭取時間陪伴妻女，太太張馨月不時喺社交平台記錄一家三口嘅生活日常，同大家分享幸福點滴！最近張馨月就發咗一條一家人去日本旅行嘅Vlog，片中可見阿峯為太太同囡囡Luna親自下廚整早餐，連擺盤都特別精美！

阿峯為太太同囡囡Luna親自下廚整早餐。
阿峯帶家人大嘆美食之餘，又帶囡囡滑雪，雖然Luna好細個，不過滑得有板有眼！隨後佢哋一家人又去水族館睇海洋生物同企鵝，阿峯攬住Luna時嘅表情超級Sweet，呢條片令粉絲們大讚佢哋一家三口溫馨幸福，更形容阿峯係顧家好男人、Luna亦越大越可愛，可見阿峯家庭生活非常美滿。

林峯一家人又去水族館睇海洋生物同企鵝。阿峯帶家人大嘆美食之餘，又帶囡囡滑雪。雖然林峯愛女Luna好細個，不過滑得有板有眼！

阿峯對Luna嘅讀書環境就係安排最好嘅學校，安排囡囡入讀一年花費超過廿萬嘅上海雙語貴族幼稚園，早前佢受訪時亦同大家分享囡囡學緊鋼琴、騎馬、游水。雖然囡囡目前只係中班，不過已學緊小一程度嘅課程。阿峯曾笑言自己為囡囡填入學申請填到手痹，為人父母真係唔容易！
阿峯對Luna嘅讀書環境就係安排最好嘅學校，安排囡囡入讀一年花費超過廿萬嘅上海雙語貴族幼稚園。