Dear Jane為20周年演唱會影海報 四子憶當年夾Band青蔥歲月

Dear Jane即將舉行成軍20年演唱會，今次係佢哋相隔4年再踏紅館開騷，呢日佢哋就為演唱會拍攝海報。

Dear Jane早前為成軍20周年演唱會拍攝海報
四子識於微時一齊玩音樂，Jackal就話大家咁多年都冇咩點變，唯一唔同嘅就係，當而家唱返啲舊歌時，感覺會有所不同。Howie就指佢哋剛剛一齊夾band時Tim仲返緊學，要趁放假時間上嚟夾Band，但眨眼之間大家已經有家室有小朋友，經歷咗人生一段好長嘅旅程，同時Howie亦希望Daer Jane喺歌迷嘅人生中可以佔到一席位。
拍檔多年嘅佢哋呢日亦有唔少回憶湧現

Howie指Dear Jane冇set定一個目標要做到啲咩或賺到啲咩，佢哋只係保持住心境唔變，上台唱好首歌令歌迷開心。Jackal表示佢哋而家做緊嘅所有嘢，都係for佢哋老咗之後嘅回憶片段。
雖然少年變中佬，不過佢哋就指最緊要心境不變喇

舊年出騷期間主音Tim就帶病上陣，好彩演出冇受太大影響，今次Tim話如果身邊有人患病的話自己會避開，佢又笑言如果開騷時自己真係病咗咩唔到，希望大家可以陪佢一齊唱埋落去。