張敬軒未受觀眾叫囂影響 體會李嘉誠作息習慣早起

張敬軒日前為好友王菀之（Ivana）兩場紅館演唱會擔任嘉賓，佢哋嘅舞台既有藝術感，同時又展現彼此多年嚟嘅友誼，呢個舞台亦引起網民嘅熱烈討論，因為頭場演出時，有觀眾喺軒仔同Ivana於台上互相對望培養情緒時突然叫囂，唔少網民大鬧呢個舉動無禮兼影響演出者，軒仔出席活動時談及事件，佢話當時忘記台下觀眾反應，因為已經投入情緒中，所以大家不用擔心佢會被影響表現。
張敬軒同王菀之嘅演出，畀fans嘅叫囂影響到。
軒仔仲話事前兩人冇綵排過，大家見到佢哋台上表演係最原始，真係一種行為藝術，而呢種表演係冇得預備，所以當刻係成個騷首度見到Ivana，想呈現既熟悉又陌生嘅感覺。Ivana相隔11年再踏紅館開騷，即使不幸病倒，仍無阻兩場演出，軒仔大讚老友表現佳，佢話若果換轉係自己，已經要求改期再唱。
張敬軒
喺農曆年假叉足電嘅軒仔，就體會李嘉誠嘅生活習慣，無論幾夜瞓都會早起，佢話未能體會對方成就，就體會生活習慣，所以而家每朝七點多起身再早禱，然後返教會，隨後便開始工作。

軒公話佢體會李嘉誠嘅生活習慣。