陶喆重返香港開騷致敬方大同 哽咽獻唱《愛愛愛》改詞致意

近17年未於香港開騷嘅 陶喆 近日重踏紅館舞台，周末舉行兩場演唱會，雖然今次係佢多年來再次於香港演出，可惜開騷前同佢一樣曾獲得金曲獎歌王美譽；出道時更有「香港陶喆」稱號嘅 方大同 驚傳已經離世，呢晚David於表演期間亦特別向呢位歌壇音樂才子致敬。

陶喆周末於紅館舉行兩場演出，周六晚一場特別悼念方大同
陶喆指人生就如流沙一樣，生命流逝難以挽回，提到方大同離世時更一度哽咽。佢話部份台上樂手亦曾與大同合作演出，自己同大同雖然並非親密好友，但係對方作品依然曾帶俾自己唔少力量、溫暖同感動，所以希望同全場觀眾一齊悼念呢位只得41歲嘅年輕音樂人。
陶喆對同為創作人嘅方大同離世大感難過

David之後唱出方大同嘅名曲《愛愛愛》，更將最後一句歌詞「我愛故我在」改為「你永遠都在」，各呢位才華洋溢嘅音樂人致最後敬意。