Dear Jane談20年成長變化越來越厚 四子怕變票房毒藥拒絕跳舞舞台

樂隊Dear Jane即將舉行成軍20年演唱會，近日正在為開騷密密練兵。四子Tim、Howie、Jackal同Nice相識二十年，一齊經歷過唔少高低起跌，但玩音樂嘅初心情不變，就係呢團火一直keep住先有今時今日嘅Dear Jane，回望大家一起共同成長，四子覺得佢哋冇咩大變化，唯一變得最多相信係身形，以前四人嘅骨架都好單薄，隨年月增長越來越厚一齊發福。

Dear Jane正為佢哋20周年演唱會準備
Dear Jane希望藉住今次個騷同歌迷重溫一直以來嘅音樂，演唱會嘅主題亦會呼應返之前開騷嘅後續，還記得2019年開騷時，主題係Sincerely Yours(真誠致意)，所以今次希望同歌迷喺一個地方好似拆信咁，回憶以前聽歌時嘅心情同狀況。由於成軍後歌曲唔少，Jackal透露大家有意將每晚騷嘅歌單都改動，睇能否唱得晒Dear Jane嘅歌曲。

之前Dear Jane曾經公開講過今次開騷好大膽冇底線，引嚟除衫騷肌嘅揣測，四子對除衫雖然唔抗拒，但就講明唔係嗰種騷爆肌，玩到興起會隨緣，但一講到跳舞佢哋同聲同氣好決絕，笑指擔心一跳舞會變成票房毒藥一樣就慘了。
呢日仲透露人員單隨時晚晚不同

至於嘉賓方面，Dear Jane指因為樂隊歌曲太多，暫時未有計劃邀請嘉賓，唯獨阿Tim曾經誠邀囝囝上台，但遭狠心拒絕，不過囝囝雖然年紀小小，但已經識得唱晒Dear Jane嘅主打歌，又識扮演每一位成員，十分可愛。