平成歌姬中島美嘉再訪台灣 狂唱多首名曲偷閒嘆茶拜神

日本歌姬 中島美嘉 再到台灣舉行兩場演出，今次事隔6年嘅演唱會，有平成歌姬之稱嘅佢以多套華麗服飾上陣。早年因耳疾而中斷演藝工作，當時更有意引退，後來因為歌迷支持同佢個人努力，終於重新出發繼續舞台演出。

中島美嘉相隔數年再次到台灣開騷
當年參演電影《NANA》爆紅各地嘅佢，呢晚亦有以當年經典造型亮相，仲以中文向觀眾Fans問好打招呼，當然唔少得為大家獻唱Hit爆嘅主題曲啦。今次佢除咗兩場演出之外，亦都偷閒到廟宇參拜，仲大啖美食同嘆茶，完騷後更於社交平台感謝歌迷嘅支持呀。

佢仲曾現身當地廟宇同茶館