王君韾約姊妹越南Party迎BB 靚酒店狂嘆美食賀婦女節

結婚9年嘅 王君馨 去年底宣佈懷孕，近日佢就約埋包括 衛蘭 同 鍾舒祺 幾位好姊妹，全女班飛去越南享受「Babymoon」之旅，為已懷孕7個月嘅Grace迎接BB同即將升任人母好好慶祝。

Grace約埋幾位好姊妹去越南Babymoon，話會係分娩前最後一次出遊
Grace日前先公開同一眾好姊妹陀B勁舞嘅片段，而呢次富國島之旅佢就難得偷閒同幾位姊妹盡情食共玩，又趁噚日三八婦女節，話要慶祝姊妹情、母子親情同女士之間嘅深厚情誼。
趁呢次機會好好享受同幾位好姊妹嘅相處時光

佢又話今次要特別為衛蘭慶祝，又預祝佢之後嘅巡迴演唱會成功。見佢哋喺靚爆酒店無邊際泳池邊影夕陽，又狂嘆唔同美食、加上姊妹齊齊行沙灘，呢次Grace分娩前嘅最後一次出遊，相信一定相當滿足喇。

好友加靚景都喺眼前，呢次旅程回憶一定非常豐盛

Grace仲話要預祝Janice嘅巡迴演唱會成功順利