楊茜堯實現囡囡公主夢 羅子溢為愛囡戴戒指裝扮

大部份嘅女仔喺細個時候，都會有一個公主夢，幻想自己化身公主喺城堡前面靚靚嘅樣，而楊茜堯同羅子溢嘅愛囡小珍珠亦都唔例外，而一向愛錫囡囡嘅茜堯同子溢又點會唔實現囡囡呢個公主夢呢！

一向愛錫囡囡嘅茜堯同子溢又點會唔實現囡囡呢個公主夢呢！
茜堯同老公喺百忙中夾到時間，帶埋囡囡小珍珠同囝囝Eden去主題樂園，更搵嚟專人為珍珠家姐悉心裝扮，變身成為公主。茜堯紀錄咗囡囡實現公主夢嘅過程。

子溢仲親自為前世情人小珍珠戴上戒指，務求令囡囡變成最幸福同最靚嘅公主。
眼見囡囡著白雪公主服裝，亦有專人幫佢化埋bling bling妝容、配搭公主髮型、皇冠、權杖同飾物，唔好話小朋友開心，連我都睇到心心眼。子溢仲親自為前世情人小珍珠戴上戒指，務求令囡囡變成最幸福同最靚嘅公主，茜堯亦搵嚟畫家幫佢喺前手臂畫上人體彩繪。

眼見囡囡著白雪公主服裝，亦有專人幫佢化埋bling bling妝容、配搭公主髮型、皇冠、權杖同飾物。
相中見到珍珠家嘅笑容，茜堯同子溢不知幾滿足，一家四口仲趁機影相留念幸福一刻。

珍珠扮白雪公主。珍珠乖乖化妝扮靚靚。茜堯則在旁等阿女時，亦有接受彩繪。小珍珠對自己打扮好滿意。