獨家‧模仿人生丨袁詠儀為求報復曾被江美儀掌摑 要求導演加劇有仇報仇

新劇《模仿人生》喺深圳舉行煞科宴，袁詠儀、江美儀、陳自瑤、張曦雯、張振朗、羅子溢同總監製鍾澍佳等出席，相隔16年回巢拍劇嘅靚靚，喺劇中搭住張曦雯踏上復仇之路，亦會同美儀水火不容，不過劇外同美儀相識多年，二人仲相當老友。
《模仿人生》喺深圳舉行煞科宴陳自瑤 張振朗 羅子溢
美儀話劇中角色同真人性格好唔同，靚靚話美儀係大聲，唔代表毒辣。美儀解釋同靚靚老友係因為十幾年前一齊亞視拍劇，之後又喺電影碰面：「我又摑咗佢兩巴，佢就記到依家。」靚靚七情上面話：「梗係啦，有邊個可以摑我。」美儀大爆靚靚起初諗住劇中有仇報仇，點知無安排而好嬲。靚靚話當日導演問佢仲有乜需要，佢直言要摑美儀兩巴，要求導演加劇情，點知導演提議加插喺花絮，靚靚質疑有邊個會睇花絮。美儀預告劇情令大家意想不到嘅效果，Yoyo就話仲有好多意想不到嘅劇情。靚靚亦不忘大讚Yoyo為人可愛，但對工作認真。
靚靚話喺劇中被美儀摑咗巴，所以好想報仇。一眾女演員同鍾澍佳合照。
Kelly為咗吸引富二代羅子溢嘅注意，有多個絕美造型，面對住係理想對象又係復仇對象，佢話當中內心戲係一大挑戰，振朗爆料話有幕後見到Kelly同子溢嘅一場酒店對手戲，被觸動流下眼淚，所以振朗都話好期待嗰幕。
靚靚讚Yoyo係好對手。
此劇起用唔少新演員，包括一班飾演商業間諜美女、上次喺《黑色月光》飾演富家智障孫女嘅莊易羚亦有份參演，而佢由童星出身嘅妹妹莊錠欣亦有份客串，佢有分享同妹妹一齊演出嘅感覺，謝雪心透露易羚所演嘅角色屬於唔正常嘅人士。

謝雪心 同 莊易羚