吳美珩丘凱敏劉曉彤罕有現身 與宣萱為Do姐顧老闆賀壽

Do姐鄭裕玲呢日同宣萱、吳美珩、丘凱敏、劉曉彤、顧紀筠難得聚頭，原來係為咗幫8月28日生日嘅顧老闆，以及9月9日生日嘅Do姐慶祝生日，所以先可以召集到已經退出幕前、甚少露面嘅吳美珩、丘凱敏、劉曉彤現身，佢哋仲各自將聚會相upload上社交平台，一齊寫道：「最是期待這個相聚！少說已經有十年！但我們仍然健康美麗，正能量！」

睇相佢哋6位都keep得好好，冇咩大改變。同上次為吳美珩慶祝生日一樣，佢哋都係由日頭傾到夜晚。而由露台所拍攝嘅相中所見，宣萱、吳美珩、丘凱敏同劉曉彤都係着住同一款似係畀客人穿着嘅拖鞋，反而顧老闆就係着住露趾涼鞋，所以估計呢次聚會應該係喺顧老闆嘅住所度舉行。
Do姐出post後，唔少網民都留言讚佢哋keep得好好，又話佢哋充滿知性美。而鄭秀文、周家蔚、胡杏兒同黃建東等，就有喺宣萱個post度留一個心心眼嘅emoji。