王曼喜與女友Elaine成婚 舉家赴美觀禮氣氛溫馨

15:15新增現場圖片

王敏德同馬詩慧嘅長女王曼喜，早前宣佈同女友9月正式結婚，近日兩人已經抵達美國為婚禮準備，而日前先一齊現身活動嘅媽咪Janet、妹妹Irisa仲有細佬Kadin都已經抵達美國，準備出席大家姐嘅人生大事。

佢哋一早已經去到婚禮現場一個營地準備，仲一家大細齊齊搬行李。身為星二代嘅Kayla八年前出櫃，佢曾自言十多歲已經發現傾向，經過多翻思考同掙扎之後終於決定公開性向。不過Kayla喺喺公開前一度非常痛苦又否定自己，幸家人經了解之後獲得支持同肯定。攝影師女友Elaine更一早融入家中。

香港時間9月25號清晨，一對新人正式喺加洲一個度假村舉行婚禮，據報邀請咗大約100名賓客出席，而一對新人就以全白打扮結下誓盟，現場喺典禮舉行期間更有彩虹出現，仿似為佢哋祝福一樣，而Kayla爸爸王敏德就送長女出嫁亦送上誠摯祝福。

Kayla嘅伴侶Elaine有巴西血統，更係香港地產商恆隆創辦人陳曾熹嘅外孫女，據指佢哋婚後將定居美國，展開甜蜜新生活。

（Instagram圖片）