陳凱琳與鄭嘉穎避免嘈交靠冷靜化解問題 與好友細談戀愛觀

陳凱琳（Grace）監製及主持明珠台節目《Love Matters with Grace》，逢星期三晚上九時至九時半播出。今晚（10月12日）將播映第九集，Grace邀得星級健身教練Utah Lee及美容、健身KOL Jessica Wong擔任節目嘉賓，細談戀愛關係嘅問題及處理方法。

Grace於今集與嘉賓Utah及Jessica邊溜冰邊聊天，講起與伴侶出現意見不合，Grace透露老公鄭嘉穎先畀時間佢獨處，等佢有足夠時間冷靜，佢就會趁嗰段時間好好檢討成件事，兩位嘉賓均認同雙方冷靜先可以繼續溝通。

輪到「Memory Lane」環節，Grace問及兩位嘉賓覺得嗌交對一段關係產生咩影響， Utah與Jessica認為冇一個特定答案，但肯定係可以喺伴侶身上學習，Utah坦言與結婚19年嘅老公成日因小事情嘈交，有時經過爭吵反而從對方身上學到一啲嘢。Grace與嘉賓大玩「Spin the Bottle」遊戲，挑戰「Truth or Dare」，兩位嘉賓都轉到與性愛有關嘅問題，佢哋竟然選擇大方回答，想知更多記得留意節目！