修哥將重踏紅館創紀錄 顧紀筠笑言為對方做乜都OK

原定喺中秋節舉行創紀錄演唱會嘅胡楓，因為不幸確診而令演唱會延期，經過好好休養嘅修哥早已經康復晒，呢日佢仲同joe junior、胡渭康、顧紀筠同老公陳仕煒一齊進行綵排。修哥仲即場解答觀眾對演唱會延伸嘅疑問，佢話到時大家拎返當日嘅演唱會門票，同一時間去返演出場地，就可以欣賞返呢場演唱會呀。

修哥喺圈中人緣極好，唔少人都舉手想做佢個唱嘉賓，就算上唔到台演出都想到場支持，所緣修哥話好感謝大家嘅疼錫呀，而胡渭康話今次延期可幸嘅係，修哥可以拎埋個藝術家獎先開個唱呀！

而顧紀筠就話修哥係香港人嘅寶，同香港人一齊成長，所以可以見證全修哥有呢個成就，大家都好開心呀！佢仲話自己全程投入，只要修哥開聲，要佢做乜都冇問題呀！