賀歲短劇《黃金萬両》年卅起首播,呢日「奶奶」 薛家燕 就邀請咗劇中嘅囝囝 黃子恆 馬貫東 仲有新抱 江嘉敏 同 朱智賢 去自己嘅電台節目訪問做宣傳喇。平時劇集家燕姐一出現就笑聲四起,而呢次再結合三位行內出名嘈到拆天嘅新抱,佢就話真係威力十足喇。
家燕姐話三個新抱仔嘅笑聲可以用澎湃嚟形容,仲連鎖式引發埋自己嘅笑聲,所以就令拍攝現場歡笑不斷喇。雖然三個新抱成日化物Tiger,對佢幾個寶貝仔成日郁手郁腳,不過家燕姐就話只係愛嘅表現喇。
馬貫東就話同Kaman拍檔完有啲聽力受損,而子恆就有苦說不出咁喎。而喺大年初四,一班演員就會出動向大家拜年,仲會齊齊跳舞合唱主題曲同大家愉快過年咁話呀。
登入後即可查看我的收藏
登入後即可查看瀏覽記錄