姚焯菲公開紐西蘭留學住宿環境書架擺《聲夢》學員合照

姚焯菲（Chantel）日前出發去紐西蘭升學，令一眾「小菲象」非常不捨，Chantel噚日上載首條Vlog影片，分享自己嘅「NZ Bucket List」，Chantel首先由爸爸陪同，一齊搵宿舍位置，之後佢再同爸爸到超級市場買日用品及家具，第一日只係簡單佈置房間，同時Chantel希望送小禮物畀室友，親自到花店買仙人掌小盆栽，一共買咗8棵植物，親手寫上心意卡。

姚焯菲Chantel日前出發去紐西蘭升學。

直到正式入住時，佢又再次執房，更多謝經理人送菲林，等佢記錄校園生活，Chantel將《聲夢傳奇》學員合照放喺書架上，又把BLACKPINK照片釘在記事板，Chantel展示完房間每個角落後，佢話呢條片已完結，希望大家鍾意，之後佢話要去剪片，睇嚟Chantel仲有好多Vlog影片跟「小菲象」分享。 Chantel首先由爸爸陪同，一齊搵宿舍位置。 Chantel視察房間環境之後，出外買日用品。 Chantel心情靚靚，睇得出佢好期待留學嘅校園生活。佢再同爸爸到超級市場買日用品及家具。搬晒返宿舍，Chantel逐一整理。呢個就係Chantel瞓嘅角落。爸爸全程幫Chantel記錄整個過程。簡單佈置房間完，Chantel先跟爸爸離開，等周一正式入住。

Chantel希望送小禮物畀室友。 Chantel親自到花店買仙人掌小盆栽，一共買咗8棵植物。 Chantel到各房間送小禮物兼自我介紹。

Chantel跟新同學相處好融洽。 Chantel同室友好似幾夾! 菲Chantel多謝經理人送菲林，等佢記錄校園生活。 Chantel將《聲夢傳奇》學員合照放喺書架上。 Chantel又把BLACKPINK照片釘在記事板。 Chantel終於整理好房間嘅嘢。睇嚟Chantel仲有好多Vlog影片跟「小菲象」分享。