搶先睇！聲夢三小花為演唱會積極練舞 Chantel詹天文互指對方手腳唔協調

聲夢三小花姚焯菲（Chantel）、鍾柔美（Yumi）、詹天文（Windy）嘅演唱會19號開騷，為咗應付大量唱跳歌曲，三小花近日密密練舞，Chantel、Yumi同Windy青春無敵，就算唱起八十年代嘅經典歌《跳舞街》、《Chotto等等》、《H2O》等，完全唔覺得過時，仲好有女團feel！

聲夢三小花演唱會19號開騷，為咗應付大量唱跳歌曲，三小花近日密密練舞。

Chantel由新西蘭一返港就馬不停蹄排練，雖然時間緊迫，不過依然難佢唔到，Chantel坦言：「我哋加埋要唱廿幾三十首歌，所以我覺得記歌詞係好重要。」Chantel話因為大部分歌係跳唱，所以睇唔到提詞機，一定要記熟歌詞，好彩舞蹈部份已入晒腦，不過佢大爆Windy跳舞成日手腳唔協調，而Windy即反駁話Chantel都有手腳唔協調嘅問題。

Chantel大爆Windy跳舞成日手腳唔協調，而Windy即反駁話Chantel都有手腳唔協調嘅問題。

三人當中跳舞最叻嘅Yumi，相信再多再複雜嘅舞步都冇難度，佢仲話歡迎歌迷到時跳埋一份，現場氣氛一定更熱鬧呀！