獨家丨Chantel Yumi分享追星史 Windy笑言畀舞步難倒

姚焯菲Chantel 鍾柔美Yumi 詹天文Windy 合體推出嘅首支單曲MV終於面世，三小花喺MV入面連環跳唱熱度十足，青春魅力爆燈。

Windy、Yumi同Chantel嘅合作新曲推出
拍攝MV當日佢哋都話相當興奮，Chantel話佢哋都等咗拍呢首歌嘅MV好耐，聚埋一齊時先發現原來佢哋已經好耐冇片個一齊拍MV喇。Windy就話終於有一首屬於佢哋嘅合唱歌，佢話自己期待咗好耐可以同兩位姊妹，又或者其中人合唱，今次終於都有呢個機會，令佢覺得好開心。
MV中仲有佢哋追星嘅情節

提到MV入面有唔少舞蹈動作，Windy同Chantel都話畀啲舞步難倒咗一陣，不過好快佢哋就已經練熟咗喇。
Chantel話被新歌嘅舞步難到

Windy對有新合唱歌覺得非常開心

MV中有一幕係講佢哋3個喺機場追韓星，原來現實中Chantel同Yumi都係韓國女團嘅忠粉，Chantel仲同大家分享曾經喺夢境中見過偶像，而Yumi就話自己好少會追男藝人，但反而會追女藝人，Yumi話自己細個時唔算好迷偶像，但入行後見識更多，知道偶像們越做越好，就覺得可以喺對方身上學到好多嘢。

Yumi話希望新歌會有一種期盼嘅感覺俾大家今次新歌內容同三小花心境相近，Windy就指歌曲畀人一種甜美嘅感覺，而Chantel同Yumi都話首歌令人有種期盼嘅感覺呀。