鄭希怡爆讀書時期霸氣叫「慈雲山瓊姐」 攜女回流香港重新適應

鄭希怡（Yumiko）同老公梁學儲（Andy）都係9月壽星，噚日見佢老公Andy喺IG貼出生日派對嘅合照，一眾好友為佢哋兩公婆慶祝生日，圈中好友有佘詩曼、蘇永康、梁漢文、劉浩龍、谷德昭等出席，眾人玩得盡興而歸，久未在港公開露面嘅Yumiko近日接受電台節目錄音訪問大談近況，兼宣傳下周推出嘅新歌。

噚日見佢老公Andy喺IG貼出生日派對嘅合照，一眾好友為佢哋兩公婆慶祝生日。

佘詩曼亦有到場。

原名「鄭列瓊」嘅Yumiko有講吓新歌創作理念：「首歌係講我自己『瓊姐』，因為我細個喺慈雲山讀書，所以有個名叫『慈雲山瓊姐』；今次首次挑戰唱Rap，用咗廣東話、國語同上海話擺喺入面，3個語言都代表我成長嘅一部份。」

久未在港公開露面嘅Yumiko近日接受電台節目錄音訪問大談近況，兼宣傳下周推出嘅新歌。
Yumiko喺疫情期間與老公Andy及女兒「梁浸浸」舉家移居上海，最近正式回流返港：「我哋喺上海住咗3年，因為疫情期間咁啱喺內地拍綜藝節目《乘風破浪的姐姐》，之後有其他工作同拍戲，返香港又要隔離，我父母一直住喺上海，佢哋就話不如留喺上海，我同老公傾咗之後，佢就帶埋阿女過嚟，一家人一定要一齊。」

圈中好友有蘇永康、梁漢文、劉浩龍、谷德昭等出席，眾人玩得盡興而歸。
女兒梁浸浸今年9歲，近日正式開學，問女兒返港讀書係咪要重新適應？Yumiko表示：「佢喺上海讀書可以揀繁體定簡體字，我幫佢揀繁體字，所以返咗香港讀書唔使咁辛苦。」Yumiko十分享受做媽媽及照顧女兒，同時希望陪伴女兒經歷唔同階段，問梁浸浸係咪似其他少女咁貪靚？Yumiko笑指阿女好唔鍾意扮靚，買裙畀佢都唔著，寧願著T恤短褲，佢對靚未有概念，不過佢好獨立，好有自己諗法，幾似我同老公。」

Yumiko笑指阿女好唔鍾意扮靚，買裙畀佢都唔著。
Yumiko喺2014年與化妝師Andy結婚，翌年誕下女兒「梁浸浸」梁子柔，佢提到當初同老公並冇諗過結婚，卻喺2012年接受Andy求婚，「嗰年我哋去咗泰國畀個生日驚喜朋友，嗰個朋友係應采兒，我同佢企喺泳池邊影相，兩個一齊向後跌咗落後面嘅樹林，應采兒掛咗喺樹，我就喺3樓跌落兩嚿大石中間，康復期間仲戴住頸箍，行路又唔方便，喺我最醜樣時，佢就同我求婚，當刻我覺得呢個男人唔錯，其實我有咩事或傷殘佢可以走，但佢選擇婚姻，咁既然佢願意試，我都願意試」。

Yumiko喺疫情期間與老公Andy及女兒「梁浸浸」舉家移居上海，最近正式回流返港。