兩年抱兩丨吳姍儒平安誕下第二胎 B女乳名叫「蒔五」有原因

吳宗憲女兒吳姍儒 Sandy 去年3月生咗囝囝初一，今日（8號）再喺社交平台報喜，平安誕下第二胎，並公布囡囡乳名為「蒔五」，而英文名則為Neri，Sandy喺帖文中寫道：「草字頭的時，祝福妳像植物一樣有自己的時間，我們只是帶妳來這個世界，妳是一顆小小的種子，卻有滿滿的力量，We promise…願妳長成妳自己本來就該是的樣子。」

Sandy今日（8號）喺社交平台宣布喜訊。

Sandy又指初一同蒔五兩個小朋友，對佢哋嚟講就好似滿月一樣：「祝福你們一生都豐盛圓滿而富足光亮。但爸爸媽媽會用盡全力記得：你們像月亮；初一十五不一樣。」

吳姍儒同爸爸吳宗憲。吳姍儒老公同囝囝初一。

Sandy今年首次接下金馬、金曲同金鐘三金主持嘅重任，而距離10月18號舉行嘅金鐘獎，仲有一個月左右時間，所以Sandy坐月期間，要照顧囡囡蒔五外，仲要為金鐘獎作事前準備。
吳姍儒為下月舉行嘅金鐘獎擔任主持。