范冰冰破格前衛造型出席時裝騷 惠英紅行catwalk坦言緊張到腳震

何超儀、陳慧琳（Kelly）、鄧麗欣（Stephy）、范冰冰及惠英紅等呢日出席一個時裝騷，個個盛裝打扮，何超儀維持一貫前衛破格形象，Kelly及Stephy展現高貴典雅一面。當中最驚喜嘅係見到范冰冰，冰冰以黑色透視貼身裙現身，搭配浮誇妝容，輕輕鬆鬆就成為全場焦點！

范冰冰以黑色透視貼身裙現身。何超儀

而擔任嘉賓Model行catwalk嘅就有好耐冇喺香港出席公開活動嘅惠英紅。紅姐話自己已有成四年冇喺香港做嘢，今次行catwalk仲緊張到腳都震埋。雖然紅姐近年工作重心擺咗喺內地，不過紅姐就話自己有時間就會返香港探親友。
惠英紅

講起有冇機會再返香港拍戲，紅姐就話如果有適合劇本，自己當然好樂意，同埋自己不嬲好鍾意同新導演合作，仲話片酬完全唔係重點。

曾經同紅姐合作電影嘅陳家樂啱啱做咗爸爸，紅姐就話今次返香港唔夠時間去探望家樂嘅BB，但就已經睇過BB嘅相，仲讚BB好可愛，除咗送上祝福，紅姐亦封咗大利是畀BB啦！
陳慧琳
鄧麗欣