洛比桑新戲台北舉行首映禮 率桂綸鎂姜成鎬等盛裝行紅地氈

由法國知名大導演洛比桑監製嘅新戲，呢日喺台北舉行全球首映，監製洛比桑同太太Virginia，導演黃嘉智、女主角桂綸鎂、以及戲中反派姜成鎬、飾演小鎂囝囝嘅楊明偉齊齊盛裝出席，眾人表現得非常親民，簽名合照來者不拒，首映禮嘅紅地氈行足成粒鐘，真係誠意十足。被台灣粉絲暱稱「韓哥」嘅姜成鎬同台裔美籍導演George仲用國語同大家打招呼。

法國知名大導演洛比桑監製嘅新戲喺台北舉行全球首映。

桂綸鎂與姜成鎬。男主角Luke Evans，今次就未能跟大隊到台灣做宣傳，只能透過事先錄製嘅短片現身，洛比桑話Luke拍緊另一套戲，不過對方劇組唔肯放人，所以Luke未能親身來台。而喺電影記招上，Luke Evans就特別抽空同大家視像連線，佢同韓哥為咗拍攝呢套電影，喺台灣Long Stay咗幾個月，當中有唔少難忘嘅經歷，包括學整小籠包，Luke仲搞笑話自己嘅手勢好好，應該可以去小籠包名店工作添。

小鎂就話好榮幸可以同國際團隊合作。

小鎂就話自己好榮幸可以同國際團隊合作，尤其佢由學生時期就已經好鍾意洛比桑嘅作品，今次嘅合作亦令佢收穫滿滿。

而韓哥就因為拍攝呢套電影愛上台灣，佢仲自爆係李安導演嘅超級粉絲，好希望有機會可以同李安合作。

姜成鎬出席台北舉行全球首映時，表現得非常親民，簽名合照都係來者不拒。