帶髮林盛斌與痰輝智撞樣 引出正主關嘉敏譚輝智留言

阿Bob林盛斌日前就post咗張自己仲有頭髮嘅相上社交平台，佢話張相應該係自己中四、中五左右嘅時間影嘅，又指而家嘅自己同相中嘅佢個樣其實冇咩分別，唯一唔同嘅就係當時有頭髮。

阿Bob日前post出自己年青時有頭髮嘅相。
呢張相post上網後，引嚟唔少網民嘅討論，有人話睇落似吳宗憲，亦有人話似譚輝智。見大家討論得咁開心，阿Bob喺 2號 就再post咗一張佢同關嘉敏扮譚輝智嘅合成照，仲喺帖文中表示：「又張智霖，又溫兆倫，又呂方，又吳宗憲 ，又譚真一，又邰正宵，最離譜有幾個話係梁朝偉…….其實最後根本就係關嘉敏扮譚輝智！」經阿Bob咁樣一post，佢後生有頭髮個樣又真係同扮緊輝智嘅關嘉敏幾似喎！阿Bob仲搞笑咁喺帖文中表示：「又真係有啲似嘅講真😂😂😂唔知拉姑會唔會都做埋我fans呢？」

2號再post出佢同「痰輝智」嘅合成照。阿Bob自己都話同扮FC嘅關嘉敏似樣。
呢張「合照」面世後，吸引到兩大正主關嘉敏同譚輝智現身留言，前者表示：「我！笑！死！🤣🤣🤣🤣🤣」，而輝智則以一個😂嚟表達心情。

阿Bob嘅新post引出兩位正主留言。關嘉敏表示笑死。譚輝智以一個emoji嚟表達心情。