古天樂客串短劇演售貨員 放下嚴肅形象展反差萌

混⾎肥仔（曾達恩Tommy）主理嘅多媒體頻道BBO（Black Box Office）最近再推出⼀連6集嘅輕鬆趣味連續短劇《⼈⽣好似好很難》，講述丁丁（丁彥均）飾演的少女上班族如何⾯對⼈⽣各種困難，《⼈⽣好似好很難》客串陣容強勁，頭4集請嚟林雪、陳凱琳（Grace）、魏浚笙（Jeffrey）同吳浩康 （Deep）亮相，為觀眾帶來唔少驚喜。

古仔再次參與混血肥仔嘅新作演出
⽽最新公開嘅第五集，更請到⾦像影帝古天樂粉墨登場，飾演⼀名用盡努⼒去笑嘅化妝品店售貨員，⼀反嚴肅形象，甚有「反差萌」。劇中古仔⼀邊微笑⼀邊誠懇地為丁丁服務，拎完粉底比丁丁後，便落⾜嘴頭推銷其他產品，丁丁明顯覺得古仔太Chur，好快就極不耐煩咁直斥對⽅，古仔無辜被鬧後，便向丁丁解釋店舖正參加商場舉⾏的「微笑⾏動」，所以⾃⼰要⼀直保持微笑， 仲解釋⾃⼰點解不斷推銷，當丁丁離開店舖時，撞正上司Jeffrey巡商場，Jeffrey質疑佢「蛇王」去購物，嚇到丁丁急中⽣智，聲稱⾃⼰是做臥底去監察「微笑⾏動」係咪有效。
Jeffrey魏浚笙亦有參與演出

古仔上次亮相BBO係半年前作客旅遊真⼈騷《尋泰記》，當時混⾎肥仔睇新聞得悉古仔⾝在泰國， 所以膽粗粗踩入泰國請對⽅拍旅遊節⽬，節⽬中兩⼈同丁丁玩轉曼⾕各⼤熱⾨旅遊地點及活動，過程中製造了唔少有趣畫⾯。