港姐主題曲MV於26號首播 同日晚上開始投選活動

《2024香港小姐競選》主題曲《Proud To Be A Woman》MV 將於26號首播，MV中15位佳麗：1 號陳紫佟 Jessie、2 號倪樂琳 Ellyn、3 號王汛文 Candice、4 號謝淑怡 Zoie、5 號莊曉婷 Kimmy、6 號李曼思 Adria、7 號秦冀雯 Yvonne、8 號盧凱怡 Kerry、9 號陳甜甜 Rose、10 號吳芷靖 Clary、11 號梁嘉莹 Emily、12 號鍾翠詩 Tracy、13 號程姜月 Dolores、14 號楊梓瑤 Amina 及 15 號俞可程 Kanis，分別以唔同顏色嘅晚裝上陣行catwalk，展現出自信嘅女性美。
15位佳麗於MV中行catwalk。
JW 王灝兒。Windy 詹天文。
Yumi 鍾柔美。主題曲《Proud To Be A Woman》由 JW王灝兒、Yumi鍾柔美、Windy詹天文合唱，MV中三人分別有白色系列「自信閃耀 Woman」團隊服造型，以及展現個人特色嘅Solo服。當中以JW嘅造型最為搶眼，穿上黑色閃石緊身晚裝嘅佢，坐喺寶座上，十足一個自信女皇。而Yumi 同 Windy 則分別以紅、白裝型上陣，青春氣息撲面而嚟。
JW像極一個自信女皇。
此外，今年港姐設有「我最喜愛佳麗」投票活動，活動將於26號晚上22:30正式展開，全球網民只要進入投票頁面， 就可以投選心水佳麗，每位參加者每日都可以參加投票，而每次可以投選1至3名佳麗。而曾參與投選「我最喜愛佳麗」嘅香港地區投票者，即可參加抽獎活動，成功被抽中並答對簡單問題，就可贏取豐富獎品。是次活動投票結束時間定於 9月15日《2024 香港小姐競選決賽》當晚，實質截止時間則會於決賽期間公布，敬請密切留意官方公布詳情。
1號陳紫佟2號倪樂琳3號王汛文4號謝淑怡5號莊曉婷6號李曼思7號秦冀雯8號盧凱怡9號陳甜甜10號吳芷靖11號梁嘉莹12號鍾翠詩13號程姜月14號楊梓瑤15號俞可程