張天賦灌錄電影主題曲 難忘跟吳君如揪心一幕

MC張天賦為佢同吳君如主演嘅愛情喜劇電影獻唱主題曲，呢首歌嘅歌詞直述兩位主角嘅心聲，唱出佢哋關係嘅矛盾同美麗，而呢份詞係出自導演何妙祺嘅手筆，MC話當日收到歌詞非常意外：「好意想唔到，因為導演唔係專業填詞人，但寫到一份歌詞，除咗有內容之外亦都配合旋律，導演做得好好。」
MC張天賦喺戲中飾演一個感情騙子。

鄧麗欣、MC張天賦、陳輝虹
錄音時，MC亦特別感觸喺劇中天橋場景：「錄歌時不自覺地諗起君如喺中環天橋追出嚟、天橋上又有人busking一幕，好似係戲中一段感情嘅完結點，當時劇情同呢首歌非常契合。」首次挑戰填詞工作，何妙祺都話未係最理想，好彩有配樂戴偉邀請填詞人梁栢堅幫佢補習改功課，不過佢都話首歌感動到大家全靠MC唱功。
吳君如MC對劇中天橋場景戲特別感觸。《我談的那場戀愛》劇照。