梁詠琪出席新戲煞科宴 與梁雍婷向小演員送傳統燈籠

梁詠琪（Gigi）聯同陳湛文、朱栢康、梁雍婷（Rachel）、陳輝虹、凌文龍同陳獻略主演嘅勵志喜劇電影，日前台前幕後舉行煞科宴，兼且提早慶祝中秋佳節。

梁詠琪聯同陳湛文、朱栢康等主演勵志喜劇電影，日前台前幕後舉行煞科宴，兼且提早慶祝中秋佳節。
Gigi同Rachel特別為小演員準備傳統燈籠，Gigi好開心見番一班演員，煞科宴一齊食月餅，佢話：「中秋節除咗趁機會食各式各樣月餅，仲會買竹紮燈籠畀個女玩，因為佢哋玩電燈籠多，見到傳統款式，我通常忍唔住會即刻買。我哋有時會掛到整個露台都係燈籠，其實只係玩一晚，但係好認真，好有儀式感去玩呢一晚中秋節。」

Gigi好開心見番一班演員，煞科宴一齊食月餅。
Rachel記得細個時會同家人一齊整燈籠，佢透露今年有家人返港，好期待一大班人坐埋一齊食飯。相隔半個月再見到戲中小演員，會否感覺佢哋又長大咗？Rachel笑言：「我覺得佢哋皮膚白得好快，新陳代謝係勁，因為我哋每個演員拍完球場戲都曬黑咗，但係佢哋皮膚好快回復變白，但係我嘅膚色仲未回復番正常。」GiGi笑言：「其實我都加緊油，搽多啲美白希望快啲白番。」

梁雍婷相隔半個月再見到戲中小演員，佢笑指小演員皮膚白得好快，新陳代謝係勁。
為咗慶祝拍攝成功，陳獻略話要同朱栢康不醉無歸，其實佢哋兩個不時會摸酒杯底，而朱栢康就笑指由於有小演員同父母同場，所以佢哋冇得飲酒，但期望會開拍續集。

朱栢康就笑指由於有小演員同父母同場，所以佢哋冇得飲酒，但期望會開拍續集。