2024香港小姐競選丨大會宣布網上暫時票選三甲 林鈓洧否認緋聞強調專心工作

《2024香港小姐競選決賽》將於禮拜日（15號）晚隆重舉行，15位候選佳麗努力備戰，佢哋跟隨師妹林鈺洧、黃嘉雯同郭珮文綵排當晚表現項目，位位佳麗狀態好弗，2號倪樂琳、10號吳芷靖同11號梁嘉莹暫時成為網上投選「我最喜愛佳麗」頭三位，倪樂琳都話喺宣布頭三位票數時，都會諗吓有冇自己份，當聽到嘉雯師姐讀出自己號碼時就感到好開心， 身邊嘅吳芷靖都話好開心，而梁嘉莹知道大家繼續支持自己都感動。
林鈺洧與眾師妹綵排。
林鈺洧幾個月前被傳出同錢慧儀前夫馬清揚傳出緋聞，佢開腔解釋係一場好深嘅誤會「我哋純粹真係普通朋友。」佢話因為自己港姐身份，喺慈善活動認識，其實同時亦有認識其他朋友及食飯，只不過今次係咁啱被影到。佢強調只想專心工作，唔會諗拍拖令自己分心。現時單身嘅佢表明參選港姐後都一心努力工作，珍惜公司給予機會，不想受任何事而影響。
郭珮文亦盡力綵排。郭珮文、黃嘉雯 及 林鈺洧