2024香港小姐競選丨62歲葉蒨文為決賽綵排群舞 跳不停狀態超班不輸新生代

《2024香港小姐競選決賽》將於嚟梗嘅禮拜日9月15號晚舉行，闊別港姐舞台超過20年嘅樂壇天后葉蒨文將擔任今屆表演嘉賓，莎莉仲點名提拔黃洛妍、趙紫諾、XiX其中三位成員Crystal、Charlotte、Caitlin、趙頌宜、劉詠彤同洪心怡合作。

闊別港姐舞台超過20年嘅樂壇天后葉蒨文將擔任今屆表演嘉賓。
總經理曾志偉突然現身探班。

喺9月9號，莎莉喺老公林子祥陪同下現身電視城，與一眾新生代綵排連場勁歌熱舞，月底踏入63歲嘅莎莉狀態超弗，現場活力絕不輸給身邊年青新生代，連總經理曾志偉都突然現身探班給大家鼓勵。劉詠彤話莎莉要求佢哋排住舞都要唱，等大家習慣咗，上台就更有爆炸力。趙頌宜話12分鐘跳唱係一大挑戰，自認手腳唔協調嘅黃洛妍，話經過連串訓練，心情係放鬆咗，而善於跳唱嘅XiX就話要同莎莉同台演出兼面對咁大場面，難免心情緊張。
莎莉喺老公林子祥陪同下現身電視城，與一眾新生代綵排連場勁歌熱舞。