劉青雲林峯拍《神探大戰2》 陳家樂暫計劃陪連詩雅赴大馬

由韋家輝編監導、劉青雲、林峯、陳家樂及湯怡等主演嘅《神探大戰》，先後喺多個電影頒獎禮有斬獲，勇奪最佳男主角、最佳導演等多個獎項，呢日台前幕後出席慶功宴，宣佈將原班人馬開拍續集。

韋家輝作品一向好少有續篇，今次佢會更加努力創作，講到《神探大戰》好多角色都死咗，韋家輝有信心令佢哋可以同觀眾見面，希望創作一個延續嘅版本，好友青雲放心任由韋家輝發辦，林峯指每次喺拍攝現場好多挑戰。

同場嘅陳家樂榮升人夫，呢日戴住婚戒現身，佢透露暫時未計劃度蜜月，皆因老婆連詩雅稍後要去馬來西亞開騷，陳家樂稱有機會陪連詩雅去馬來西亞，順便留喺當地玩吓！