獎門人丨肥媽吉吉意外咀上 龍婷挑戰急口令似雞叫

為慶祝父親節，無綫於17號晚將會播出特備節目《獎門人 I Love 爸爸感謝祭》，今集「獎門人」曾志偉將會帶領「獎老」阮兆祥、錢嘉樂、麥美恩、徐文浩同林秀怡擔任主持，而兩隊嘉賓陣容都係嚟自《中年好聲音》，有「靠實力」隊嘅肥媽、周吉佩、李佳、林鉫徫、魏嘉信、李思林同劉智衛，對戰「衡車好聲音」隊嘅車婉婉、伍仲衡、龍婷、顏志恒、支嚳儀、曹敏寶同梁浩銓。

雖然今次嘉賓入面大部份人都冇上過獎門人，不過仍然笑料百出，喺第一個遊戲「開心無敵傳紫菜」時，由肥媽、伍仲衡同車婉婉打頭陣出戰，肥媽起初捉住伍 Sir 係咁啜，後來變成伍 Sir主動出擊捉返住肥媽轉頭，場面爆笑。之後獎門人安排吉吉、劉智衛同肥媽傳紫菜，點知塊紫菜突然飛走，搞到肥媽同吉吉咀咗啖，肥媽帶笑「投訴」兩位男士：「佢哋兩個都鍾意咬人嘅！」

喺「開心無敵估歌仔」嘅戰況亦相當激烈，吉吉、伍Sir 同魏嘉信瞓身搶咪撞埋一堆，結果齊齊趴晒落地。而小龍女龍婷喺「開心無敵口噏噏」入面，就版超繞口嘅急口令考起，由於她咯咯聲咁讀出「個個國家嘅國歌同、都係用嗰個國家嘅國家級歌星唱國歌嘅」，搞到負責估嘅顏志恒忍唔住問：「係咪雞呀？」

「開心無敵我最勁」今集有新玩法，今次唔再食辣辣壽司和壽桃，轉玩「重口味 Cocktail」。最終輸咗遊戲嘅「靠實力」隊要飲由豉油、芫茜汁、檸檬汁及 Tabasco 溝成的加料飲品。

而為慶祝父親節，喺《獎門人 I Love 爸爸感謝祭》節目播畢後， 網購平台「鄰住買」將於當晚 21:30 起，陸續開售感謝祭貨品，包括只售 1 蚊嘅行動電源、低至 0.8 折嘅護膚品及 199 港元嘅抗菌冷氣被等。

《獎門人 I Love 爸爸感謝祭》星期六 20:30 翡翠台播映