輝智初次郵輪登台感興奮 許願客串《愛・回家》演大小姐細佬

人氣爆燈嘅中聲歌手 譚輝智 ，日前受邀到郵輪登台，雖然天氣不佳遇上打風，但好在都無影響出發，初次喺郵輪會Fans嘅輝智心情興奮，亦連唱多首歌曲，聽到現場觀眾不知幾冧。

譚輝智早前到郵輪舉行海上音樂會

雖然輝智表演經驗豐富，不過認真對待每個表演嘅佢，呢次出騷都唔敢完全放鬆當度假，輝智亦好享受同觀眾互動嘅每一刻。 大家都知輝智同太太感情恩愛，間唔時譚太都會做「跟得夫人」陪老公出席活動，之不過呢次譚太就冇一齊上郵輪，令輝智都話開心同唔習慣都有啲，特別係想喺船上行下都冇太太喺身邊陪，要搵工作人員作伴。不過被問「粉絲們會唔會因為太太唔在場而更熱情瘋狂」時，輝智即刻大讚大家好乖好守規矩，絕對唔會做失控事。 

不過可惜呢次太太並未同行

中聲歌手個個都才華橫溢，近日支嚳儀同黃劍文更踏足戲劇，分別喺《愛・回家之開心速遞》客串一角，更得到唔錯嘅迴響。雖然輝智話擔心自己拍劇嘅話會阻住大家收工，但如果真係可以拍一集，佢就想扮演林淑敏飾演嘅大小姐流落在外嘅細佬。講到點解會想做呢個角色，輝智就話，因為佢只係識淑敏呀。