Gigi Chantel父親節分曬溫馨合照

世上嘅爸爸多數都係要喺社會上為屋企拼搏謀生，亦未切必太識得去表達對家人嘅愛，不過唔講少表達又未必等於佢哋一定就係鐵面嚴厲嘅，尤其當佢哋嘅前世情人寶貝女出現時，鐵漢都一樣會融化變溫柔呀。

《聲夢》嘅Gigi 炎明熹 同 Chantel 姚焯菲 平時都精靈可愛又得人鍾意，唔只受到大家嘅萬千寵愛，佢哋嘅Daddy就更加係天字第一號Fans喇，而兩個心椗雖然都唔喺Daddy身邊，不過就依然以佢哋嘅方式表達愛意。

正身處台灣畢業旅行嘅Gigi，喺父親節當日除咗Post出佢同Daddy往日一齊坐電單車嘅合照，仲有父女間甜到漏嘅對話。而Chantel雖然人在新西蘭讀書，不過一樣喺限時動態貼出昔日同Daddy度假嘅悠間生活合照。