家族榮耀之繼承者丨佘詩曼林峯六度合作赴大馬開機 羅嘉良許紹雄羅子溢豪華陣容班底坐鎮

由寰亞傳媒、優酷聯合出品，謝穎、梁家樹任總監制，陳德修監制，蔡晶盛、陳新俠執導，佘詩曼、林峯、羅子溢（羅仲謙）、羅嘉良、許紹雄、黃浩然、余安安、張鳳妮、陳靜、梁靖琪、陳瀅、王敏奕等主演嘅家族商戰劇《家族榮耀之繼承者》喺馬來西亞正式開機。

繼《家族榮耀》後近幾年最豪華嘅港劇陣容班底，讓觀眾倍感期待，阿佘抵達馬來西亞步出入境大堂，即見到大批fans拎著花及禮物，阿佘開心走向fans堆，跟大家打招呼，有fans更送上榴槤蛋糕，由於酒店唔可以帶榴槤入內，所以阿佘喺座駕上開心切蛋糕，大啖大啖食。

《家族榮耀之繼承者》劇情主要講豪門家族丘氏，因集團創辦人突然病重，喺公司繼承人未確立嘅情況下，引發一場「繼承者之位」之爭，當中親情、愛情、友情與現實利益嚟一場角力，圍繞丘式集團繼承者身份嘅爭奪展開，佘詩曼飾演女主丘皓兒係丘家不得勢嘅孫女，從小爭強好勝，事業心極強嘅丘皓兒相信自己絕對有做繼承者嘅能力，重男輕女嘅丘家老太爺突然病重，留下一封令眾人嘩然嘅委託書，反常地委託丘皓兒全權代理集團主席工作。

面對家中眾人嘅質疑與阻撓，丘皓兒決定應戰，喺林峯飾演嘅律師暗中幫助下，力證委託書係真實，坦然接下代理主席一職。然而丘老爺突然離世，留下一錘定音嘅遺書，讓呢場豪門爭鬥無疾而終，故事走向全新篇章。波雲詭譎嘅商戰爭鬥、又甜又虐嘅CP互動，利益交雜之中，人性明暗顯露無疑，使得劇情跌宕起伏，劇情張力十足。

佘詩曼同林峯今次再演情侶，眾多TVB「童年回憶」實力派演員加盟羅嘉良、劉江、許紹雄、余安安、張鳳妮、龔慈恩、黃浩然及吳岱融等黃金配搭，仲有年輕一輩陳靜、梁靖琪、陳瀅、王敏奕及梁諾妍等，強大卡士陣容一經曝光便引發網友廣泛關注。
此次《家族榮耀之繼承者》係佘詩曼、林峯繼《覆雨翻雲》、《歲月風雲》、《花花世界花家姐》、《使徒行者》、《無限超越班》等多部經典影視綜藝作品之後嘅第六次合作，去年二人曾喺節目提到再度合作依舊想演情侶，冇諗過咁快可以喺《家族榮耀之繼承者》再碰頭。二人默契十足，絕對有「最強CP感」，

值得一提嘅係羅子溢、黃浩然、梁靖琪及余安安係《家族榮耀》嘅「老面孔」，此次幾人將繼續喺《家族榮耀之繼承者》演全新角色，讓人非常期待，據悉，目前《家族榮耀之繼承者》已正式開機，拍攝進入如火如荼，預計將喺明年與觀眾見面。