甘比赴內地山區探訪有意出書傳授媽媽經 翁靜晶去年拍戲與顏卓靈演母女

劉鑾雄（大劉）太太陳凱韻（甘比）呢日同細女Josie一齊出席書展活動，甘比講故事畀在場小朋友聽，作為三個小朋友嘅媽媽，甘比平時好鼓勵小朋友睇書。

甘比早前與大女劉秀樺（Josephine）更赴內地山區探訪，好開心係大女主動想參與，而甘比有意出書傳授媽媽經；呢日翁靜晶亦有現身書展，宣傳佢著作系列嘅電子書同有聲書，老公何猷彪到場支持，翁靜晶與老公平日各有各忙，透露老公目前攻讀法律博士，過程比較辛苦。

翁靜晶將推出新一輯系列著作，仲會喺網上頻道開設節目，跟徒弟一齊講解案件，佢去年獲邀參與電影演出，由顏卓靈演其女兒，希望支持澳門藝術發展同電影業。