王鎮泉 Jeoffrey 每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。
雖然已經過咗農曆七月,不過仍然有幾部驚慄片排住隊上映,唔知又會唔會令大家越驚越要入場呢?《手靈》講一班學生竟然以屍體手臂招靈,真係唔係膽生毛咁簡單喇。而《七月返歸》就以一位有陰陽眼嘅年青人作為故事背景,加上香港製作,會唔會又搞到大家屋企都唔敢返呢?
《威尼斯謀殺案》則喺一座歷史悠久嘅古堡入面發生一連串事件,原本打算拆穿靈媒荒唐鏡,但係現場竟然發生謀殺案,到底係鬼恐怖定係人恐怖呢?《東京復仇者2:血腥萬聖節-命運》聽名都知延續上一集嘅故事,主角再次回到過去試圖一改女友命運。
另外《說笑之人》以香港平凡人故事講出自身不凡經歷,自嘲生活荒謬經歷,笑著笑著,可能就會流下眼淚。
至於本周票房戰況截至9月6號中午,第3位係《奧本海默》、第2位係《叛諜裁判3:終極一戰》、第1位就係《詭修女II》。
今集「泉叔派福利」,頭10位答啱問題嘅觀眾,將會獲得《說笑之人》嘅換票證2張,名額只得10個!
問題就係:「喺《說笑之人》裡面,吳肇軒為咗照顧智力偏低嘅爸爸,參加咗一個咩比賽呢?」
知道答案嘅朋友記得喺9月14日 22:00 - 00:00 期間,私訊到「TVB 娛樂新聞台Facebook專頁」,註明《電影泉攻略·泉叔派福利》。記得 22:00 前send嚟嘅答案係唔算數㗎!
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img_logo_super_web.png)