《你好，我的大夫》大結局丨嘉應遭陷害誣衊殺人兇手連累亡父 李成昌演神怪露宿者晒層次式演技

TVB熱播劇《你好，我的大夫》今晚8點半翡翠台播出大結局，噚晚（12號）呢集高潮迭起，辜清勁（何廣沛飾）婆婆 （盧宛茵飾）遇上嚴重車禍，手術後須再進行小腸移植手術先回復正常飲食， 相關手術權威正係清勁爸爸成醫生（曾航生飾）。起初成醫生堅拒為婆婆做手術，因清勁不計前嫌為其醫好連西醫亦苦無對策嘅怪病。

不少網民對中醫面對的困難的處境身同感受。思貝呢段為中醫發聲嘅場口，演繹得相當沉痛及無奈。

被感動嘅成醫師答應為婆婆做手術之際，卻因麻醉藥過敏問題再遇樽頸，清勁與成醫生就是否將中醫針麻技術融入手術發生爭拗，成醫生除指醫法局唔會開綠燈，並道出血淋淋事實：「如果喺手術枱上面出咗事，要承受法律責任嗰個唔係你，而係我呢個主刀醫生。」成醫生最終仍親身前往了解針麻技術，並主動向醫院爭取融入手術，清勁真摯一句「多謝你」，配以成醫生慈祥嘅會心微笑，場口煞是感人！

「從良」後嘅曾航生，好感度飆升。清勁婆婆請佢食檸檬。曾航生堅持用真誠打動對方，仲主動同清勁商量同解決小腸移植手術遇到嘅問題。

可惜眾人最後一刻被通知洽談會議取消，罪魁禍首竟然係嘉應（蔡思貝飾）… 原來本身已因病患突發性心臟病離世惹上官非嘅思貝，遭媒體陷害誣衊、大字標題嘉應係劣跡斑斑嘅「殺人兇手」之餘，更連嘉應爸爸程醫師（陳嘉輝飾）亦拉埋落水，指行山時突發性中風失救嘅陳嘉輝同樣係神棍中醫，無限自責嘅嘉應即崩潰爆喊。思貝全程喊到好似小朋友做錯事咁，眼淚鼻涕似足瀑布式落下，感染力十足。連番受挫嘅嘉應，被清勁發現口腔嚴重潰爛，身心陷入嚴重危機…今晚嘉應上庭接受聆訊，困擾其多年嘅心魔終極解開！嘉應當初堅持選讀中醫唔係為咗清勁，而係另有令人心酸目的…至於清勁婆婆最終能否順利接受手術？兜兜轉轉「勁應 CP」能否修成正果？大結局自有分曉！

呢兩父子終於都和好，網民都話好感人！成醫生喺清勁屋企接受治療時，因為見到已故前女友嘅遺照而感到內疚。

短短45秒嘅獨白戲，李成昌單憑眼神及嘴部等嘅微表情變化，已成功帶觀眾入戲。

噚晚另一驚喜係超強綠葉李成昌客串飾演神怪露宿者阿柏，劇情講述嘉應停職期間喺橋底義診幫助貧苦大眾，其間阿柏完全不領情，鬧爆嘉應超現實：「畀老鼠咬死喺出面仲唔係大新聞？喺呢度冇人理。呢度係人間地獄，你何德何能妄想喺度做救世主？餓嘅餓、病嘅病、死嘅死，你救得幾多個？你又幫得幾多個？傻嘅！」老戲骨昌哥句句鏗鏘有聲，短短45秒獨白戲已畀足層次，微表情變化更是細緻入微，渾身是戲。

原來本身已因病患突發性心臟病離世惹上官非的思貝，遭媒體陷害誣衊、大字標題嘉應是劣跡斑斑的殺人兇手。連嘉應爸爸程醫師（陳嘉輝飾）也拉落 水，指行山時突發性中風失救的他同樣是神棍中醫。無限自責的嘉應即崩潰爆喊。

嚟到結局周，《大夫》劇情再度集中火力探討中醫，包括中醫喺醫學界地位、於現今制度下受到嘅保障，以及社會大眾對其誤解及偏見等，其中嘉應針對心臟病患Case有感而發嘅一句：「我覺得好悲哀，明明有病人死咗，點解我要慶幸好彩冇針到佢咋，我幫佢開藥或者針灸本來就係理所當然…係！做完治療佢可能都會死，但呢種情況喺西醫都會發生，點解明明我哋都係想救人，西醫就有權判病人死於自身疾病，而我哋中醫就要受到質疑？甚至負上更大嘅責任？社會大眾對中醫嘅了解實在太少，病人對我哋中醫師信任亦都唔夠…」每一句都發人深省，觸動網民熱烈討論，不少中醫界專業人士感激劇集為其發聲，其實自《大夫》播出後，大眾確係提高咗對中醫嘅討論及興趣，不少人替中醫感到不值，並支持劇中「中西醫互學互用」思想。

思貝呢幕戲，名副其實真係淚如雨下。

《你好，我的大夫》今晚8點半翡翠台播大結局