中年好聲音2丨揭曉30強最終名單！李振鵬鄭梓浩大獲好評 鍾維化身嫦娥唱《情義兩心堅》

TVB歌唱真人騷《中年好聲音2》周日晚（22號）播出呢集係60強淘汰賽最終回，屆時將揭曉 30強最終名單，今集不乏實力唱將上場。

鄭梓浩以粉紫色西裝上陣，大晒型格。

前歌手鄭梓浩以粉紫色西裝上陣，深情獻唱《煙雨凄迷》，肥媽讚佢唱得有感情又好有潛質，伍仲衡則說：「整體嚟講你係一個唱將。」主持車婉婉問佢點解揀呢首歌，鄭梓浩笑言：「啱啱返嚟香港時，我住喺細佬屋企，有一晚佢同女朋友有啲拗撬，我就被迫瞓咗公園成晚，所以我將呢個故事投放咗喺呢隻歌度，嗰晚真係落緊雨！」

李振鵬獻唱《最愛是誰》。

陳慧嫻好鍾意《最愛是誰》呢隻歌，依家都仲搵緊「最愛是誰」呢個答案，而張佳添笑言畀李振鵬搞到耳朵懷孕。
李振鵬獻唱《最愛是誰》同樣大獲好評，張佳添直言：「你把聲今日好鬆，好似按摩緊我耳仔咁，差啲懷孕！」陳慧嫻好鍾意呢隻歌，之前喺演唱會都唱過，其實李振鵬都係有故事嘅人，今次參賽是為咗向天上嘅家人證明自己：「我同家姐感情最深，家姐喺2012年時走咗，媽媽喺2015年（離世），爸爸就喺1996年（離世），細細個佢哋已經好支持我唱歌，依家佢哋走晒，我好想畀到一啲表現佢哋睇，想話畀佢哋聽我一直都好努力。」

李振鵬獻聲送畀天上的家人。 「龍婷 2.0」鍾維 set 晒頭着晒古裝化身「嫦娥」，造型好吸睛。

今集最大睇頭落喺最後嘅鍾維VS林若盈PK戰上，有「龍婷 2.0」之稱嘅鍾維紮晒髻、著粉紅色古裝化身「嫦娥」，鍾維唱腔酷似鄧麗君，今次佢挑戰唱廣東歌《情義兩心堅》，惟評審意見出現兩極，有人認為鍾維唱出歌曲韻味，亦有人覺得鍾維唱得格格不入。
評審意見出現兩極，有人認為鍾維唱出歌曲韻味，亦有人覺得鍾維唱得格格不入。

至於上回合嘅2燈選手林若盈獻唱《愛》，獲陳慧嫻大讚進步好大，若盈即時淚腺失陷，若盈解釋唱《愛》嘅原因，佢指呢首歌寄託咗對爸爸嘅情感：「我同佢冇見十幾年，跟住佢出現番一個月，之後佢就過咗身… 我唱嘅時候唔敢投放得太多，驚好似依家咁（爆喊）。」到底邊個眾望所歸有得留低？密切留意周日播出嘅《中年好聲音 2》！

林若盈獲讚進步神速，佢諗起亡父時爆喊

《中年好聲音 2》周日晚9點翡翠台播映