黃劍文飛加國出席佈道會 Fans不捨送機：以為我要去一年

參加「中聲2」獲得殿軍而更為人熟知嘅 黃劍文 ，早前參演完《為你鍾情》舞台劇、之後又為 周慧敏 嘅演唱會擔任嘉賓，嚟緊10月尾仲會舉行個人演唱會，真係忙到不得了。身為教徒嘅佢近日仲不時參與唔同佈道會作分享，雖然得返幾個星期就開騷，但係Kimman呢幾日更要離港，已經動身飛去加拿大，參與華人教會嘅音樂分享會喇。

周身忙嘅Kimman呢日現身機場準備飛往加拿大

Kimman飛往加拿大出席佈道會，獲數十Fans到場送機
Kimman此行將於有大量港人聚居嘅溫哥華唔同教會，分別參與3場分享會。4號晚出發嘅Kimman就獲數十名Fans送機，仲有唔少朋友帶晒燈牌到機場，連合照都影完再影，搞到Kimman都搞笑咁話，明明就去幾日，唔知仲以為自己出走一年咁話。

早前佢為個唱拍攝海報，仲帶同主子一齊拍攝