五月天相隔5年再到英國開騷 石頭點名叫太太點歌

五月天相隔五年再度去到英國開騷，會場座無虛席，五月天一連獻唱多首金曲，去到點歌環節時，石頭就指明話畀台下一位觀眾點歌，而對方正正就係佢太太狗狗，雖然充滿私心，但係全場觀眾都非常受落，最後石頭就獻唱咗太太所點嘅《愛情的模樣》。

五月天同五迷嘅關係就好似一家人，而呢次英國站巡迴，咁啱就係怪獸嘅生日，五迷們又點會錯過呢個機會，向佢送上心意呀，全場一齊合唱生日歌送畀怪獸，怪獸亦喺萬人面前許下祝大家「平安、健康、幸福」。