台灣年度夏日音樂祭圓滿落幕 五月天聯乘GLAY熱血演出

台灣一年一度夏日音樂祭「超犀利趴13」日前圓滿落幕！今年犀利趴陣容依舊強大，除咗有作為連續13年都有演出嘅「全勤樂團」五月天，仲有人氣男團Energy、任賢齊以及帕拉斯樂團、鼓鼓呂思緯以及蕭秉治就組成限定男團GX。

台灣夏日音樂祭「超犀利趴13」日前圓滿落幕。

五月天呢曉就同日本超人氣樂團GLAY合體熱血JAM歌，呢次更係GLAY相隨六年再到寶島演出，令所有歌迷都High翻天。 早前五月天吉他手石頭因為腰椎滑落而無奈缺席太原演唱會，經過一個半月靜養後，石頭終於健康回歸舞台，而且精神狀態唔錯，同大家有講有笑！

五月天嘅瑪莎同怪獸。

雖然石頭就投訴四位兄弟喺佢休養期間完全冇慰問過，但佢亦好感恩大家喺呢段時間幫手，令佢可以安心養傷。 不過講到最驚嚇嘅，就絕對係高爾宣嘅演出！事關高爾宣唱得興起，突然除外套時，右手意外甩骹，嚇親唔少觀眾。