李心潔證實彭發陷經濟困境 與彭順盡力協助度過難關

彭氏兄弟電影導彭順同彭發曾經執導由李心潔主演電影《見鬼》而在港聞名，兩人喺圈中分別發展，亦各自組織家庭，早前傳出弟弟彭發因為花盡積蓄為老婆醫治癌病，導致要申請破產，經濟陷入困境。

哥哥彭順太太李心潔現身台灣為電影宣傳時大方回應事件：「我和我老公一直有跟他聯繫，我們都在盡力幫他，其實這個新聞出來之後，電影各界的公司都有伸出援手，所以我希望大家可以一起幫助他度過難關。」

心潔今次監製嘅電影有望突破一億新台幣大關，呢日佢聯同導演王禮霖仲有演員陳澤耀同吳慷仁一齊宣傳時都感到好鼓舞，心潔仲特別公開多謝一位好朋友，不過佢就一時口快擺咗個大烏龍，將投資人光良講錯為品冠，王禮霖立即糾正，之後就以品冠都可以投資嚟打完場，令身旁嘅心潔都忍唔住一臉尷尬哈哈大笑。而電影喺馬西亞上映時，獲得眾多親友支持，心潔話有超過五十場包場，連囝囝嘅老師同校長都有嚟捧場，非常感謝大家支持。