美斯抵港丨球王美斯隨隊訪港作表演賽 丁子朗胡鴻鈞化身球迷追星

嚟緊嘅周末，香港全城進入足球狂熱，兩代球王包括碧咸同美斯訪港，碧咸以球主身份率領美職聯球隊國際邁阿密來港跟港隊作表演賽。球王魅力非凡，連丁子朗同胡鴻鈞都抽空去到美斯入住及球隊舉行記者會嘅酒店，佢哋仲拎埋美斯嘅波衫嚟應援，希望一睹球王風采。

美斯與所屬嘅球隊乘坐嘅包機喺今日（2號）下午三點抵達香港國際機場，美斯貴為球王，但係非常貼地，親自拎住隨身行李落機，隨後大隊喺停機坪出席簡單嘅歡迎儀式。當球隊乘座嘅巴士抵達酒店時，現場嘅球迷即刻報以熱烈嘅歡呼聲，仲大叫美斯嘅名，而美斯落車時亦好親切向球迷微笑揮手。據知碧咸較球隊早一日抵港，再出席私人商業活動，相信球迷都好期待到時喺球場一睹兩代球王同場嘅畫面。