61歲林韋辰公佈新戀情疑與東北女熱戀中 甜蜜留言：60歲又如何！

61歲林韋辰近年將事業重心放喺內地，於內地出席商演活動，偶爾接拍TVB劇集，佢被網民讚係凍齡男神，林韋辰單身一段時間，最近喺社交平台拍片公開新戀情。

林韋辰單身一段時間，最近喺社交平台拍片公開新戀情。

片見林韋辰拖住一個女仔嘅手行街，多謝女友包容同照顧，見佢對女友讚口不絕，就知二人相處唔錯，林韋辰甜蜜留言：「60歲又如何！新的一年，陪著你走。」雖然女友冇露臉，不過聽到佢講一口流利普通話，而林韋辰發佈影片後，幾位網民留言「東北媳婦正式上線」，林韋辰女友疑係東北人。

林韋辰多謝女友包容同照顧，見佢對女友讚口不絕。女友更疑叫男友係「老頭」。林韋辰一臉幸福！

林韋辰入行差唔多40年，林韋辰當年曾與台灣女友Lin結婚，二人育有一個女，林韋辰於2006年跟Lin離婚，2008年被爆新戀情，林韋辰與亞洲小姐呂晶晶相戀，二人年紀相差21歲，當年被指「父女戀」，可惜二人於2011年分手，之後林韋辰與細佢23歲嘅李思雅拍拖，再次展開「父女戀」，直至2017年，林韋辰指跟李思雅因性格不合分手，結束近6年情，而佢呢幾年一直單身，甚少講及感情事，林韋辰時隔7年終於再度公開新戀情。 
疑似女友喺片中未有露面。