準爸爸林奕匡經歷高山低谷10週年 宣布開騷同歌迷回顧音樂路點滴

2014 年一首《高山低谷》令到Phil 林奕匡嘅唱作人身份得到廣大嘅傳播同肯定，為佢帶來無數獎項同掌聲，成為其代表作之一。《高山低谷》對 Phil 來講，不單只是一首佢筆下之歌，更有極其深遠嘅意義，它記載住Phil由低谷到重新企起身，除咗人生高低經歷之外，更以歌曲鞭策自己，唔好放棄繼續行落去，創作出更多觸動人心嘅歌曲。

《高山低谷》對 Phil 來講，不單只是一首佢筆下之歌，更有極其深遠嘅意義。

適逢《高山低谷》推出十年之際，Phil宣佈將舉行音樂會，邀歌迷一同見證一路走來嘅成長軌跡。Phil話：「眨吓眼就十年，呢十年經歷咗好多事情，由我最迷惘到開始有啲成績，登上舞台開到個人演唱會，做到好多自己意想唔到嘅事，仲有組織自己嘅小家庭。」十年變化之大，令 Phil 無論係個人或者創作都更加成熟。

適逢《高山低谷》推出十年之際，Phil宣佈將舉行音樂會，邀歌迷一同見證一路走來嘅成長軌跡。

而早前興奮宣佈將為人父嘅Phil，人生即將迎來更多挑戰，同時亦都享受到前所未有嘅喜悅：「你哋睇住我成長，我嘅歌亦一樣陪伴著大家成長，見證好多歌迷由讀書到踏入社會工作，甚至結婚生兒育女。」Phil嘅歌曲係唔少歌迷嘅人生印記，所以Phil都好期待同大家一同回顧十年音樂路嘅點滴。